Glæsilegur árangur keppenda UFA á Meistaramóti Íslands 15-22 ára í frjálsum

Helgina 28. – 29. janúar fór fram Meistaramót Íslands 15-22 ára í frjálsum íþróttum. Mótið var haldið í Frjálsíþróttahúsi FH í Kaplakrika.

UFA átti sex öfluga keppendur á mótinu, þó tvísýnt hafi verið með ferðaveður á föstudeginum fyrir mótið. Áunnu keppendur sér níu íslandsmeistaratitla fimm silfurverðlaun, þrjú brons auk fjölmargra persónulegra bætinga.

• Birnir Vagn Finnsson varð Íslandsmeistari í fjórum greinum í flokki 20-22 ára, 60 m hlaupi og 60 m grindahlaupi, langstökki og hástökki. Auk þess vann hann til silfurverðlauna í 200 m hlaupi og bronsverðlauna í kúluvarpi.
• Tjörvi Leó Helgason keppti í þremur greinum í flokki 18-19 ára og bætti fyrri árangur sinn bæði í 60 m hlaupi og langstökki.
• Róbert Mackay varð Íslandsmeistari í tveimur greinum í flokki 16-17 ára, 60 m grindahlaupi og 400 m hlaupi. Auk þess vann hann til silfurverðlauna í 60 m og 200 m hlaupi.
• Alexander Breki Jónsson varð Íslandsmeistari í kúluvarpi 16-17 ára.
• Brynjar Páll Jóhannsson varð Íslandsmeistari tveimur greinum í flokki 15 ára. Þ.e. í 60 m hlaupi og langstökki. Auk þess vann hann til silfurverðlauna í þrístökki og bronsverðlauna í 300 m hlaupi og hástökki.
• Pétur Friðrik vann til silfurverðlauna í þrístökki í flokki 15 ára, auk þess sem hann bætti sig í öllum fimm greinunum sem hann keppti í.

Keppendur UFA voru til mikils sóma og framtíðin er sannarlega björt hjá þessum öfluga hópi.

Heildarúrslit mótsins og árangur keppenda má sjá hér:
http://mot.fri.is/MotFRI/SelectedCompetitionResults.aspx?Code=M-00001022

Frétt FRÍ um mótið má sjá hér: https://fri.is/thrju-motsmet-i-kaplakrika-um-helgina/

Myndir: Unnar Vilhjálmsson